Əlillik statusunun verilməsi: İlin ilk yeddi ayında rekord rəqəm!

Bu ilin ilk yeddi ayı ərzində 30,2 min nəfərə əlillik statusu verilib. Əmək və Əhalinin Sosial Müdafiəsi Nazirliyinin tabeliyindəki Dövlət Tibbi Sığorta və Ekspertiza Agentliyi tərəfindən həyata keçirilən bu prosesdə 12,8 min nəfərə ilk dəfə, 17,4 min nəfərə isə təkrar əlillik təyinatı aparılıb.

Minval.info xəbər verir ki, əlilliyin qiymətləndirilməsi tibb müəssisələrinin elektron sistemə daxil etdiyi məlumatlar əsasında həyata keçirilir. Əlillik statusu təyin edildikdən sonra, sistem vasitəsilə avtomatik olaraq sosial ödənişlər də təyin olunur.