DYP rəsmisinin fikirləri düzgün başa düşülməyib

“Təəssüflə bildiririk ki, 02.02.2019-cu il tarixində yayımlanan “Yol polisini videoya çəkib yayanlar cəzalandırılacaqlar” başlıqlı yazıda ifadə olunan fikirlər düzgün şərh olunmayıb”.

Minval.info xəbər verir ki, bu barədə BDYPİ-nin yaydığı rəsmi məlumatda bildirilir.

Qeyd edilir ki, qurum rəsmisi Rüfət Quliyev vətəndaşlar tərəfindən yol-patrul xidmətinin əməkdaşlarının xidmət zamanı video çəkilişinin aparılmasının cəzaya səbəb olması ilə bağlı fikir söyləməyib:

“Əslində, sözügedən materialda şöbə rəisi R.Quliyev qanunvericilikdə məhz polisin qanuni tələbinə tabe olmayan sürücülərin cəzalandırılması barədə konkret maddələrin nəzərdə tutulduğunu, habelə yol hərəkəti zamanı digər hərəkət iştirakçılarının həyat və sağlamlıqlarını təhlükə altnda qoyaraq törətdikləri qayda pozuntularının, özbaşınalıqların videogörüntülərini sosial şəbəkədə paylaşmaqla bunu “qəhrəmanlıq” kimi təqdim edən şəxslərin yanlış yolda olduqlarını bildirib. Bu fikirlər isə sonradan ayrı-ayrı saytlarda təhrif edilmiş şəkildə paylaşılıb”.