Dövlət rüsumu ilə bağlı qərara DƏYİŞİLİK EDİLDİ

“Dövlət rüsumunun tutulması haqqında hesabat”ın formasına və onun tərtib edilmə qaydasına dəyişiklik edilib.

İqtisadiyyat Nazirliyi yanında Dövlət Vergi Xidmətindən  verilən məlumatda bildirilir ki, dəyişikliyə əsasən, özəl məhkəmə eksperti qismində fəaliyyət göstərmək üçün şəhadətnamənin verilməsi dövlət rüsumu tutulan hallara aid edilib.

Bununla bağlı İqtisadiyyat Nazirliyi yanında Dövlət Vergi Xidmətinin müvafiq əmri ilə təsdiq edilmiş “Dövlət rüsumunun tutulması haqqında hesabat”ın forması və onun tərtib edilməsi qaydası yeni redaksiyada təsdiq edilib.

Hesabatın yeni forması və onun tərtib edilməsi qaydası ilə Dövlət Vergi Xidmətinin rəsmi saytının “Bəyannamə” bölməsində tanış olmaq mümkündür.