Direktorun avadanlıqları evinə aparması araşdırılır

Goranboyda 2 saylı tam orta məktəbin işdən çıxarılan direktoru İlhamə Qasımovanın məktəbin əmlakına zərər vurması ilə bağlı iddialar ortaya çıxıb. Sosial şəbəkələrdə yayılan görüntülərə əsasən, direktorun vəzifədən azad edildikdən sonra sanitar qovşağındakı avadanlıqları, əlüzyuyanları sökərək öz evinə apardığı iddia olunur.

Minval.info xəbər verir ki, Gəncə-Daşkəsən Regional Təhsil İdarəsi bu məsələ ilə bağlı araşdırma aparıldığını bildirib. Araşdırma nəticəsində bəzi avadanlıqların zədələnməsi və ya yerində olmaması ilə bağlı problemlərin mövcud olduğu müəyyən edilib. Hazırda həmin avadanlıqların təmir edilərək istifadəyə yararlı vəziyyətə gətirilməsi və problemin yeni tədris ilinin başlanmasına qədər aradan qaldırılması nəzərdə tutulur.