DİN-dən vətəndaşlara saxta xidmətlər xəbərdarlığı

Daxili İşlər Nazirliyi vətəndaşları sosial şəbəkələrdə yayılan saxta xidmətlər barədə xəbərdar edib. Nazirlikdən verilən məlumata görə, bu cür elanlar vasitəsilə vətəndaşların aldadılması və maliyyə vəsaitlərinin mənimsənilməsi halları artmaqdadır.

Minval.info xəbər verir ki, saxta səhifələrdə müxtəlif xidmətlər, məsələn, hesabların izlənilməsi, silinmiş yazışmaların bərpası və digər rəqəmsal xidmətlər təklif olunur. Ödəniş edildikdən sonra isə xidmət göstərilmir və şəxsi, bank məlumatlarının ələ keçirilməsinə cəhd edilir. Vətəndaşlara belə təkliflərin etibarlılığını yoxlamaq, tanımadıqları şəxslərə ödəniş etməmək və şəxsi məlumatlarını paylaşmamaq tövsiyə olunur.

Şübhəli hallarla qarşılaşdıqda Daxili İşlər Nazirliyinin “102” Xidməti-Zəng Mərkəzinə və ya Nazirliyin rəsmi sosial şəbəkə hesablarına müraciət etmələri tövsiyə edilir.