Dieqo Forlan karyerasını başa vurub
Uruqvay millisinin və İspaniya “Atletiko”sunun sabiq futbolçusu Dieqo Forlan karyerasını başa vurub.
Son bir il iki ayda heç bir rəsmi matça çıxmayan hücumçu idmançı kimi karyerasını bitirdiyini açıqlayıb.
“Minval” xəbər verir ki, son klubu Honkonq təmsilçisi “Kitçi” olan D.Forlan 2018-ci ilin mayından sonra heç bir matçda iştirak etməyib.
Futbolçu karyerasını Uruqvayın ən titullu klubu “Penyarol”da başa vurmaq istəyində olsa da, bu, baş verməyib. Tərəflər arasında danışıqlar müsbət nəticələnməyib.
Qeyd edək ki, “Penyarol”un yetirməsi olan 40 yaşlı veteran karyerası ərzində “Danubio”, “İndependente”, “Mançester Yunayted”, “Vilyarreal”, “Atletiko”, “İnter”, “Osaka”, “Mumbai” və “Kitçi” klublarında oynayıb. 2002-14-cü illərdə şərəfini qoruduğu Uruqvay millisindəki 112 oyuna 36 top vuran hücumçu Amerika kubokunun qızıl və bürünc mükafatçısı, dünya çempionatının yarımfinalçısı olub. D.Forlan DÇ-2010-da “Qızıl top”, ən yaxşı bombardir və ən gözəl qolun müəllifi mükafatlarını qazanıb, iki dəfə Avropanın “Qızıl buts”una yiyələnib.
Ən son xəbərləri bizim sosial media səhifələrimizdə izləyin!
Ölkədən və dünyadan ən sürətli canlı yayımları qaçırmamaq üçün bizə abunə olun:
OXŞAR XƏBƏRLƏR
Neymar yaxın dostunun sevgilisini əlindən aldı - FOTOLAR
"Ronaldo üçün darıxırıq" - Modriç
Nurməhəmmədovun Meyvezerlə döyüşünün tarixi açıqlandı
"Qarabağ" Sivasda Dövlət Himni və gül-çiçəklə qarşılandı
AFFA “Neftçi”ni cəzalandırıb
"Sərfəli nəticə üçün əlimizdən gələni edəcəyik" - Qurban Qurbanov
Rusiyalı milyarder "Milan"ı satın almaq istəyir