Deputat Məmmədovdan maraqlı xəbərdarlıq: Suyun dəyərini yalnız çatışmayanda anlamayın!

Deputat Ceyhun Məmmədov suyun həyatımızdakı əhəmiyyətini və onun israfının qarşısını almağın vacibliyini vurğulayıb. O, insanların çox vaxt suyun dəyərini yalnız çatışmadığı zaman anladığını qeyd edib.

Minval.info xəbər verir ki, Ceyhun Məmmədov suyun israfı ilə bağlı gündəlik vərdişlərimizə diqqət çəkərək, diş fırçalayarkən suyun boş yerə axıdılmasının, maşın və həyət yuyarkən ehtiyacdan artıq su sərf edilməsinin qarşısını almağın vacibliyini bildirib.

Deputat əlavə edib ki, suyun dəyərini yalnız hesablar gələndə deyil, hər zaman anlamaq lazımdır. Suyun qiyməti sayğacda görünür, amma əsl dəyəri həyatımızdadır. Buna görə də, suya qənaət etməyin səbəbi yalnız hesabın çox gəlməsi olmamalıdır. O, suyun israfının qarşısını almaq üçün kiçik addımların böyük dəyişikliklərə səbəb ola biləcəyini vurğulayıb.