Dambrauskas: "Heç kimdən çəkinmirik, mübarizə aparacağıq

‘Sabah’ futbol klubunun baş məşqçisi Valdas Dambrauskas UEFA Çempionlar Liqasının əsas mərhələsinə vəsiqə qazandıqlarını qeyd edərək, bu uğurun komanda üçün böyük əhəmiyyət daşıdığını vurğulayıb. O, komandasının qarşıdakı hədəflərindən və azarkeş dəstəyinin vacibliyindən danışıb.

Minval.info xəbər verir ki, Dambrauskas, ‘Biz qrup mərhələsinə vəsiqə qazandıq. Bu, futbolda əldə edilə biləcək ən böyük nailiyyətlərdən biridir. Rəqiblərimizə qarşı mübarizə aparmalı, döyüşməliyik. Əlbəttə, asan olmayacaq. Amma necə mübarizə aparacağımızı bilmək üçün həll yollarını tapmalıyıq’, – deyə bildirib.

Baş məşqçi azarkeşlərin dəstəyinin komanda üçün xüsusi əhəmiyyət daşıdığını vurğulayaraq, ‘Əlbəttə, çox xoşbəxt olardım ki, bütün azarkeşlərimiz, bizi dəstəkləyən hər kəs tribunalarda yerini alsın. Ümid edirəm ki, azarkeşlər bizi sadəcə Çempionlar Liqasında deyil, daxili çempionatda da dəstəkləyəcəklər’, – deyə əlavə edib.

ƏLAQƏLİ

Bunu da oxu

Əsəd Cahangirdən Sabir Rüstəmxanlıya böyük ehtiram

30.08.2026 - 10:40

Yeni mövsümdə komandanın üç cəbhədə – Çempionlar Liqası, Azərbaycan çempionatı və ölkə kuboku – mübarizə aparacağını qeyd edən Dambrauskas, yeni transferlərin həyata keçirilib-keçirilməyəcəyi ilə bağlı suala cavab verib: ‘Müəyyən limit var: Çempionlar Liqası üçün sifariş ərizəsinə sadəcə 17 əcnəbi oyunçu daxil edə bilərsən. Düşünürəm ki, ən azı qışa qədər bu heyətlə mübarizə aparacağıq’.

Valdas Dambrauskas, ‘Biz heç kimdən çəkinmirik. Ən yaxşı oyunumuzu göstərməyə çalışacağıq. Unutmamalıyıq ki, bizi buralara nə gətirib: çox çalışmaq, hər gün məşqlərdə göstərdiyimiz yüksək performans’, – deyə fikirlərini tamamlayıb.