Daha bir icra başçısı keçmiş həmkarının kadrını işdən çıxardı

Beyləqan rayon İcra hakimiyyətinin yeni başçısı Asif Ağayev sələfi Vaqif Abdullayevin yaxın kadrını vəzifəsindən azad edib.

Minval.info unikal.org-a istinadən xəbər verir ki, Asif Ağayevin müvafiq əmri ilə, başçının köməkçisi vəzifəsində çalışan Məmmədov Tofiq Canbaxış oğlu vəzifəsindən kənarlaşdırılıb. Beyləqan rayon İcra hakimiyyətinin yeni başçısının digər əmri ilə, Tofiq Məmmədov İcra hakimiyyətinin Yetkinlik yaşına çatmayanların işləri və hüquqlarının müdafiəsi üzrə komissiyanın məsul katibi vəzifəsinə təyin olunub.

Hələlik Beyləqan rayon İcra hakimiyyəti başçısının köməkçisi vəzifəsinə təyinat yoxdur.

Xəbəri Beyləqan rayon İcra hakimiyyətindən təsdiqləyiblər.

Xatırladaq ki, bu yaxınlarda Binəqədi RİH-nin rəhbəri sabiq başçısının kadrını işdən uzaqlaşdırıb.