Dələduzlar "MilliÖn" adı ilə fişinq tələsi qurdu
Rəqəmsal İnkişaf və Nəqliyyat Nazirliyinin tabeliyində fəaliyyət göstərən Milli Kibertəhlükəsizlik Agentliyi (MKA) ‘MilliÖn’ adı ilə yaradılan saxta ödəniş səhifələrini aşkarlayıb. Bu səhifələr vasitəsilə istifadəçilərə cəmi 1 AZN qarşılığında 5 GB mobil internet və 80 dəqiqə danışıq paketi təklif edən fişinq kampaniyası həyata keçirilib.
Minval.info xəbər verir ki, dələduzlar ‘MilliÖn’ün rəsmi səhifələrini təqlid edərək million-az.shop və millionaz.site domenlərində saxta ödəniş səhifələri yaradıblar. Bu səhifələrdə istifadəçilərdən kart sahibinin adı və soyadı, kart nömrəsi, son istifadə tarixi, CVV kodu və telefon nömrəsi kimi məlumatlar tələb olunub.
MKA-nın texniki araşdırmaları nəticəsində məlum olub ki, daxil edilən məlumatların real ödəniş sisteminə və ya banka ötürülməsi üçün heç bir mexanizm mövcud deyil. Əksinə, məlumatların üçüncü tərəfə, o cümlədən ‘Telegram’ xidmətinə göndərilməsini təmin edən funksiya aşkarlanıb. Eyni zamanda, ‘AzərPay’ və ‘Ulduz Pay’ adlarından istifadə edilən saxta səhifələr də müəyyən edilib.
Mütəxəssislər bu cür kampaniyalarda təqdim olunan şübhəli keçidlərə daxil olmamağı və bank kartı məlumatlarını tanımadığınız saytlarda paylaşmamağı tövsiyə edirlər.
Ən son xəbərləri bizim sosial media səhifələrimizdə izləyin!
Ölkədən və dünyadan ən sürətli canlı yayımları qaçırmamaq üçün bizə abunə olun:
OXŞAR XƏBƏRLƏR
Neft qiymətləri yenidən ucuzlaşdı: Yeni rəqəmlər!
Qızıl yüksəldi, gümüş ucuzlaşdı!
Neftin qiyməti 95 dollara yaxınlaşır
Qızılın qiyməti yüksəldi: Yeni rəqəmlər açıqlandı
Azərbaycandan Ermənistana növbəti tranzit tədarükü
Bakıda tələbələr üçün kirayə mənzil bazarı: Ən ucuz və bahalı ərazilər
