Çingiz Abdullayevdən Polad Bülbüloğluna müdafiə mesajı

Polad Bülbüloğlunun üçüncü dəfə ailə qurması ilə bağlı yayılan xəbərlər ictimaiyyət arasında geniş müzakirələrə səbəb olub. Xalq yazıçısı Çingiz Abdullayev bu məsələyə münasibət bildirərək, Polad Bülbüloğluna dəstək verib.

Minval.info xəbər verir ki, Çingiz Abdullayev “Facebook” hesabında etdiyi paylaşımda jurnalistlərin Polad Bülbüloğlunun şəxsi həyatına həddindən artıq maraq göstərməsini tənqid edib. O, bu məsələnin şəxsi olduğunu və bu cür davranışların mədəniyyətsizlik olduğunu vurğulayıb.

Xatırladaq ki, mediada Polad Bülbüloğlunun Gülnarə Şıxəliyevadan boşandığı və Eteri Leonidovna adlı şəxslə ailə qurduğu barədə məlumatlar yayılıb. Polad Bülbüloğlu isə bu iddiaları təkzib edərək, onların həqiqətdən uzaq olduğunu bildirib və Azərbaycana qayıtdıqdan sonra bu xəbərləri yayan media qurumlarına qarşı hüquqi addımlar atacağını qeyd edib.