Husilərin Riyaddakı hava limanına hücumu AB tərəfindən qınandı

Avropa İttifaqı (Aİ) rəsmiləri, Husilərin Səudiyyə Ərəbistanındakı Riyad Hava Limanına hücumuna sərt reaksiya göstəriblər. Aİ Komissiyasının Prezidenti Ursula fon der Lyayen, “X” sosial media platformasında etdiyi paylaşımda, bu hücumun indiyə qədərki ən ölümcül hadisələrdən biri olduğunu və təhlükəli bir gərginliyin işarəsi olduğunu bildirib.

Minval.info xəbər verir ki, fon der Lyayen, Səudiyyə Ərəbistanı və xalqı ilə həmrəy olduqlarını vurğulayıb və “İranın vasitəçi qüvvələri tərəfindən həyata keçirilən bu hücumlar bölgəni zorakılıq girdabına sürükləyir” ifadələrini işlədib. O, bu hücumların qlobal nəqliyyat və enerji üçün kritik əhəmiyyət kəsb edən mərkəzləri qeyri-sabit hala gətirdiyini və təsirlərinin bütün dünyada hiss edildiyini əlavə edib.

Aİ Xarici İşlər və Təhlükəsizlik Siyasəti üzrə Ali Nümayəndəsi Kaja Kallas da “X” platformasında paylaşaraq, “Səudiyyə Ərəbistanının Riyad Beynəlxalq Hava Limanına Husilər tərəfindən edilən hücum dəhşətli bir terror aktıdır. Mülki şəxsləri və mülki infrastrukturu fərq qoymadan hədəf alan bu hücumların heç bir əsaslandırması ola bilməz” deyə bildirib.

ƏLAQƏLİ

Bunu da oxu

Roma Papası Leo XIV ağciyərindəki düyün səbəbindən əməliyyat olunacaq

11.10.2026 - 15:34

Kallas, Səudiyyə Ərəbistanının Xarici İşlər Naziri Faysal bin Ferhan ilə yaxın əlaqədə olduğunu və Aİ xarici işlər nazirlərinin Lüksemburqda keçirəcəyi toplantıda bölgədə artan gərginliyin müzakirə ediləcəyini qeyd edib.

Kallas, Aİ-nin Qırmızı dənizdəki Aspides missiyası ilə Səudiyyə Ərəbistanının rəhbərlik etdiyi Çoxmillətli Dəniz Müdafiə Koalisiyası arasında koordinasiyanın gücləndirilməsinin həyati əhəmiyyət daşıdığını vurğulayıb.