Çavuşoğlu Bakıda sülhün yalnız müharibə ilə bitmədiyini vurğuladı
Davamlı sülhün təmin olunması yalnız hərbi əməliyyatların sona çatması ilə məhdudlaşmır. Barışıq prosesi də bu istiqamətdə mühüm rol oynayır.
Minval.info xəbər verir ki, bu barədə Türkiyə Böyük Millət Məclisinin üzvü, keçmiş xarici işlər naziri Mövlud Çavuşoğlu Bakıda keçirilən IV Beynəlxalq konfransda danışıb. Konfrans, itkin düşmüş şəxslərlə bağlı Bakı Dialoqu çərçivəsində təşkil olunub.
Çavuşoğlu, Cənubi Qafqazın münaqişə, məcburi köçkünlük və humanitar çətinliklərlə üzləşdiyini vurğulayıb. O, Ermənistan və Azərbaycan arasında əldə edilən ilkin sülh anlaşmasına itkin düşmüş şəxslərin daxil edilməsini mühüm bir addım kimi qiymətləndirib.
Keçmiş nazir bildirib ki, bu məsələ geniş sülh prosesinin bir parçası olaraq qəbul edilir. Itkinlərlə bağlı problemin sülh quruculuğu və barışıq prosesinin vacib elementi kimi tanınmasının, insanlar arasında qarşılıqlı etimadı artıracağını və davamlı sülh üçün möhkəm sosial zəmin yaradacağını qeyd edib.
“Cənubi Qafqazda sülh yalnız hərbi əməliyyatların sona çatması ilə bitməməlidir. Sülh, itkin düşmüş şəxslərin ailələrinin qəlbinə də gəlməlidir”, – deyə Çavuşoğlu əlavə edib.
Ən son xəbərləri bizim sosial media səhifələrimizdə izləyin!
Ölkədən və dünyadan ən sürətli canlı yayımları qaçırmamaq üçün bizə abunə olun:
OXŞAR XƏBƏRLƏR
Məktəblərin ödənişli olması və repetitorluğun ləğvi müzakirə edilir
Vaşinqtonda milyoner vergisi ləğv edilə bilərmi?
Qərbi azərbaycanlıların pulsuz hüquqi yardımdan faydalanması müzakirə olunur
Yaxın Şərqdəki münaqişələr Netanyahu üçün siyasi üstünlükdür
Nazirlər Kabineti müəllimlər üçün geyim qaydalarını təsdiqlədi
Deputat: Azərbaycanın suverenliyi müzakirə mövzusu ola bilməz
