Buraxılış imtahanı qaçıranlara sentyabrda yeni şans!

Bu il keçirilmiş buraxılış imtahanlarında üzrlü səbəbdən iştirak edə bilməyən 9-cu və 11-ci sinif şagirdləri, eləcə də eksternat qaydasında imtahan verənlər üçün sentyabrın 6-da əlavə imtahan təşkil olunacaq. Minval.info xəbər verir ki, Dövlət İmtahan Mərkəzi bu barədə məlumat yayıb.

Həmin gün, həmçinin Azərbaycan dili (dövlət dili kimi) imtahanlarında iştirak edə bilməyən şagirdlər də imtahan verəcəklər. İmtahanlar Bakı, Naxçıvan, Gəncə və Şirvan şəhərlərində keçiriləcək. İmtahanda iştirak edəcək şagirdlər Dövlət İmtahan Mərkəzinin rəsmi saytından “İmtahana buraxılış vərəqəsi”ni çap edib götürə bilərlər.