Bu yerlərdə içməli suyun verilişi dayandırıldı

Ceyranbatan-Binəqədi magistral kəmərlərinin birində baş vermiş qəza ilə əlaqədar Abşeron (Ceyranbatan, Saray, Masazır qəsəbələrinin bir hissəsi) və Binəqədi (Binəqədi və Biləcəri qəsəbələrinin bir hissəsi) rayonlarının bəzi ərazilərinə içməli suyun verilməsi dayandırılıb.

“Minval.info” xəbər verir ki, bu haqda “Azərsu” ASC-nin mətbuat xidmətindən bildirilib.

Məlumata görə, mütəxəssislər və qəza briqadaları hadisə yerindədir, qəzanın aradan qaldırılması üçün lazımi tədbirlər görülür.