Bu dövlət işçilərinin də maaşı artırıldı - SƏRƏNCAM

Prezident İlham Əliyev maaşların artırılması ilə bağlı daha bir sərəncam imzalayıb.

Minval.İnfo xəbər verir ki, dövlət başçısı Fövqəladə Hallar Nazirliyinin hərbi qulluqçularının, xüsusi rütbəsi olan əməkdaşlarının və dövlət qulluqçusu olmayan mülki işçilərinin aylıq vəzifə maaşlarını 10 faiz artırıb. Sərəncam martın 1-dən qüvvəyə minir.

Prezident başqa bir sərəncamla Dövlət Sərhəd Xidmətinin hərbi qulluqçularının və dövlət qulluqçusu olmayan mülki işçilərinin aylıq vəzifə (tarif) maaşlarını 2018-ci il martın 1-dən orta hesabla 10 faiz artırıb.