106.3 FM-də yayımlanan “Masterclass” proqramının aparıcısı Raqif Raufoğlu verilişin vaxtının dəyişildiyini elan edib.

Axşam.az xəbər verir ki, o, yeni mövsümdən həftəiçi hər gün 17:00-dan 20:00-a dək dinləyicilərin görüşünə gələcəyini yazıb.

R.Raufoğlu elan postunda yaxın günlərdə “İctimai Radio”da yayımlanması barədə məlumat yayılan “Manpası” verilişinin aparıcıları DJ Fateh və Rəvan Bağırova söz atıb.

Belə ki, aparıcı dəfələrlə insanları lağa qoymaqda təqsirləndirilən həmkarlarını nəzərdə tutaraq “Bizim efirdə heç kim aşağılanmayacaq” deyə, yazıb.

Onun bu sözləri sosial şəbəkə izləyiciləri tərəfindən rəqabətə qoşulması barədə sətiraltı mesaj kimi qəbul olunub.