Bitki yağlarında gizlənən təhlükə: Sağlamlığımızı təhdid edən maddə aşkarlandı

Azərbaycana xaricdən gətirilən bəzi bitki yağlarında təhlükəli maddələr tapılıb. Bu yağlar, müxtəlif ölkələrin istehsalçılarına məxsusdur və laborator müayinələr nəticəsində insan sağlamlığı üçün təhlükə yarada bilən 3-MCPD (3-monoxlorpropan1,2-diol) maddəsi aşkar edilib.

Minval.info xəbər verir ki, Azərbaycan Qida Təhlükəsizliyi Agentliyi (AQTA) bu uyğunsuzluqların aşkarlandığını və qanunvericiliyə uyğun tədbirlər görüldüyünü açıqlayıb. Bu tədbirlər çərçivəsində, bəzi ölkələrin müəyyən istehsalçılarının bitki yağı məhsullarının Azərbaycana idxalına məhdudiyyətlər tətbiq edilib.