Bank olmayan kredit təşkilatının sonu: 'Azərbaycan evro-kredit' mmc niyə bağlandı?

Azərbaycanda 2020-ci ilin fevral ayında təsis edilən ‘Azərbaycan Evro-Kredit’ MMC adlı bank olmayan kredit təşkilatı (BOKT) fəaliyyətini dayandırıb. Şirkətin ləğv edilməsi ilə bağlı məlumat Dövlət Vergi Xidmətinin ‘Vergilər’ qəzetində yayımlanıb.

Minval.info xəbər verir ki, təşkilatın nizamnamə kapitalı 300 min manat təşkil edirdi. Bu məbləğ, BOKT-lər üçün müəyyən edilmiş 1 milyon manatlıq minimum kapital tələbinə uyğun gəlmədiyi üçün Azərbaycan Mərkəzi Bankı tərəfindən lisenziya verilməyib. Nəticədə, ‘Azərbaycan Evro-Kredit’ MMC ləğv olunma qərarını açıqlayıb.