"Baku Electronics" insanları aldatmağa çalışıb
Antiinhisar Agentliyi “Baku Electronics”i cəzalandırıb.
Prezident yanında Antiinhisar və İstehlak Bazarına Nəzarət Dövlət Agentliyi haqsız rəqabətə yol verən 6 təsərrüfat subyekti ilə bağlı araşdırma aparıb. İlkin yoxlamalar nəticəsində “Baku Electronics”, “ABC Telecom”, “Trust Lux” MMC-lər, eləcə də fiziki şəxslər Pərviz Quliyev, Vüsal Qurbanov və Dadaş Vəliyev barəsində qanunvericiliyin pozulması əlamətləri aşkarlanıb. Minval.info xəbər verir ki, sözügedən subyektlər barədə iş qaldırılıb və müvafiq qərarlar qəbul edilib.
Araşdırmanın yekununda müəyyən olunub ki, “Baku Electronics” “YOSHIRO” markalı məhsulların reklamında istehlakçıları çaşdıra bilən ifadələrdən istifadə edib. Məhsulların real istehsal ölkəsi Çin və Özbəkistan olsa da, reklam və qablaşdırmada “Yapon ənənəsi”, “Yapon keyfiyyəti” kimi sözlərdən istifadə edilməklə onların guya Yaponiyada istehsal olunduğu təsəvvürü yaradılıb.
Bundan başqa, məhsullar haqqında həqiqətə uyğun olmayan üstünlüklərin təqdim edilməsi haqsız reklam kimi qiymətləndirilib və bununla Rəqabət Məcəlləsinin tələblərinin pozulduğu müəyyən edilib.
Yol verilmiş haqsız rəqabət hallarının aradan qaldırılması və bu hallara təkrar yol verməmələri barədə yuxarıda adları qeyd olunan təsərrüfat subyektlərinə icrası məcburi göstərişlər verilib.
Minval.info
Ən son xəbərləri bizim sosial media səhifələrimizdə izləyin!
Ölkədən və dünyadan ən sürətli canlı yayımları qaçırmamaq üçün bizə abunə olun:
OXŞAR XƏBƏRLƏR
Xocavəndin iki kəndində qazlaşdırma işlərinə start verilib
Məktəb mədrəsə deyil, öz qaydaları var
İlqar Fəhmi məktəbli forması qərarını dəstəkləyir: Zərurət var
Əməkdar jurnalist Məhəbbət Mirzəyeva vəfat etdi
Məktəbdə qalmaqal: yüksək bal toplayan müəllim niyə kənarda qaldı?
Yasamalda şəhid Hüseyn Tağıyevin anım mərasimi keçirilib
