Bakıxanovda qurumuş ağac faciə təhlükəsi yaradır

Bakıxanov qəsəbəsində, Muxtar Fətəliyev küçəsi, 78 ünvanında yaşayan sakinlər ərazidəki tamamilə qurumuş iri ağacın güclü külək zamanı aşma təhlükəsi yaratmasından narahatdırlar. Təhlükəli vəziyyətdə olan bu ağacın elektrik dirəklərinin yaxınlığında yerləşməsi ehtimal olunan faciəli qəza riskini daha da artırır.

Minval.info xəbər verir ki, bir ay öncə eyni vəziyyətdə olan və aşan başqa bir ağacın qalıqları isə aidiyyəti qurumlar tərəfindən ərazidən hələ də tam təmizlənməyib. Sakinlərin aidiyyəti qurumlara dəfələrlə etdiyi müraciətlərə baxmayaraq, təhlükənin aradan qaldırılması üçün hələ də heç bir tədbir görülməyib.