Bakının 111 küçəsində təmir işləri sürətlənir

Bakının 111 küçəsində nəzərdə tutulan təmir-bərpa işlərinin bir hissəsi artıq tamamlanıb. Hazırda 46 küçədə işlər yekunlaşıb və 32 kilometrlik yol istifadəyə verilib. Digər 20 küçədə isə təmir işləri davam edir. Sürücülər bu müddət ərzində müəyyən çətinliklərlə üzləşsələr də, yolların təmiri onların işlərini asanlaşdıracaq.

Minval.info xəbər verir ki, Azərbaycan Avtomobil Yolları Dövlət Agentliyinin mətbuat xidmətinin rəhbəri Anar Nəcəfli təmir işlərinin iyun ayının 15-dən başladığını bildirib. O, şəhərin mərkəzindəki işlərin 95 faizinin artıq tamamlandığını və sentyabrın 15-dək tam yekunlaşdırılmasının planlaşdırıldığını qeyd edib.