Bakıda yol nişanı sürücüləri çaşdırır!

Bakıda Zaur Nudirəliyev küçəsi ilə Ziya Bünyadov prospektinin kəsişməsində yerləşdirilən yol nişanı sürücülərin narazılığına səbəb olub. Sürücülər, nişanı döngədən sonra gördüklərini və bu səbəbdən cərimələndiklərini bildirirlər. Onlar, nişanın vaxtında görünmədiyini və qaydanı pozmamaq üçün kifayət qədər imkanlarının olmadığını qeyd edirlər.

Minval.info xəbər verir ki, mütəxəssislər yol nişanlarının sürücünün görmə bucağında yerləşdirilməsinin və qərar vermək üçün kifayət qədər vaxt yaratmasının vacibliyini vurğulayırlar. Məsələ ilə bağlı hələlik rəsmi açıqlama verilməyib.