Bakıda yağmursuz, bölgələrdə leysan gözlənilir

Sentyabrın 18-dən 20-dək Bakıda və Abşeron yarımadasında hava şəraiti dəyişkən buludlu olacaq və əsasən yağmursuz keçəcək. Mülayim şimal-qərb küləyi əsəcək. Havanın temperaturu 28-30 dərəcə isti olacaq.

Minval.info xəbər verir ki, bölgələrdə isə bəzi dağlıq ərazilərdə qısamüddətli yağış yağacağı ehtimal edilir. Əksər rayonlarda sentyabrın 19-u və 20-si yağmursuz hava gözlənilir. Lakin Balakən, Şəki, Qazax, Gəncə, Qarabağ və Şərqi Zəngəzurda arabir yağıntılı hava şəraiti müşahidə olunacaq. Bəzi yerlərdə yağıntının leysan xarakterli olacağı, şimşək çaxacağı və dolu düşəcəyi ehtimalı var.

Havanın temperaturu Aran rayonlarında 30-35, dağlıq ərazilərdə isə 15-20 dərəcə isti olacaq. Yağıntılı hava ilə əlaqədar bəzi çaylarda suyun səviyyəsinin artacağı da istisna edilmir.