Bakıda tanınmış həkimi maşın vuraraq öldürdü - VİDEO

Bakının Yasamal rayonunda ağır yol qəzası baş verib.

Minval.İnfo Yenicag.az-a istinadən xəbər verir ki, hadisə N.Nərimanov küçəsində qeydə alınıb. Küçə ilə hərəkətdə olan “Niva” markalı avtomobilin qarşısına qəfil piyada çıxıb. Sürücü maşını saxlaya bilməyərək piyadanı vurub. Piyada 80 yaşlı İsmayılov Nadir İsmayıl oğlu aldığı ağır xəsarətlərdən hadisə yerində dünyasını dəyişib. Qəza baş verən ərazidə olan əməkdaşları sürücünü saxlayıblar. Avtomobil cərimə meydançasına yerləşdirilib.

Faktla əlaqədar cinayət işi başlanılıb. Qeyd edək ki, dünyasını dəyişən piyada Elmi Tədqiqat Travmatologiya və Ortopediya İnstitutunun həkim-travmatoloqu olub.