Bakıda sürücülərə xəbərdarlıq: Bu yollar Sabahdan bağlı olacaq!

Bakıda Həsən Əliyev küçəsi ilə “Koroğlu” metrostansiyası arasında yeni avtomobil yolunun tikintisi çərçivəsində bəzi yolların bağlanması planlaşdırılır. Bu tədbir Həsən Əliyev və Rövşən Əliyev küçələrində aparılan yenidənqurma işləri ilə əlaqədardır.

Minval.info xəbər verir ki, Azərbaycan Yerüstü Nəqliyyat Agentliyinin məlumatına görə, avqustun 7-si saat 00:00-dan etibarən Həsən Əliyev küçəsinin Aşıq Molla Cümə və Koroğlu Rəhimov küçələri arasındakı hissəsi, eləcə də Rövşən Əliyev küçəsinin Böyük İpək Yolu və Araz küçələri arasındakı hissəsində nəqliyyat vasitələrinin hərəkəti tamamilə məhdudlaşdırılacaq.

Sürücülərə hərəkət istiqamətlərini əvvəlcədən planlaşdırmaları, alternativ marşrutlardan istifadə etmələri və ərazidə quraşdırılmış müvəqqəti yol nişanlarına riayət etmələri tövsiyə olunur.