Xətai rayonunda təşvişli anlar: Neft çənləri olan ərazidə güclü yanğın başladı

Bakı şəhərinin Xətai rayonu, Orxan İsmayılov küçəsində güclü yanğın baş verib. Fövqəladə Hallar Nazirliyinin “112” qaynar xəttinə daxil olan məlumat əsasında dərhal Dövlət Yanğından Mühafizə Xidmətinin əməkdaşları hadisə yerinə cəlb olunublar.

Minval.info xəbər verir ki, yanğın 8 Noyabr prospekti yaxınlığında qeydə alınıb və hazırda söndürülməsi istiqamətində əməliyyatlar davam etdirilir. Hadisə yerindən yayılan görüntülərdə neft çənlərinin yerləşdiyi ərazidən qalxan güclü tüstü və alovlar müşahidə olunur.