Bakıda narkoşəbəkə: 46 kiloqram narkotiklərlə dolu əməliyyatın təfərrüatları!

Bakıda narkotiklərin qanunsuz dövriyyəsi ilə məşğul olan bir şəbəkə ifşa edilib. Daxili İşlər Nazirliyinin Baş Narkotiklərlə Mübarizə İdarəsi tərəfindən həyata keçirilən əməliyyat zamanı 46 kiloqram narkotik vasitə qanunsuz dövriyyədən çıxarılıb.

Minval.info xəbər verir ki, əməliyyatlar Qaradağ və Suraxanı rayonlarında keçirilib və nəticədə əvvəllər narkotiklərlə əlaqəli cinayətlərə görə məhkum olunmuş Ceyhun Heydərov, Məhərrəm İbrahimov və Elvin Əsgərov saxlanılıb. Bu şəxslərdən ümumilikdə 46 kiloqram narkotik vasitə aşkarlanıb.

Araşdırmalar nəticəsində saxlanılan şəxslərin xaricdə yaşayan narkotacirlərin tapşırıqları əsasında qaçaqmalçılıq yolu ilə ölkəyə gətirilən narkotiklərin qanunsuz dövriyyəsini təşkil etdikləri müəyyən edilib. Faktla bağlı cinayət işi başlanılıb və məhkəmənin qərarı ilə saxlanılan şəxslər barəsində həbs qətimkan tədbiri seçilib.