Microsoft xidmətləri yenidən bərpa olundu

Microsoft şirkəti, Microsoft 365, Outlook və Teams xidmətlərində baş verən texniki nasazlıqların aradan qaldırıldığını açıqladı. Şirkət, xidmətlərin yenidən aktivləşdirildiyini və kəsintidən təsirlənən bölgələrdə və müştərilərə xidmət göstərilməyə başlandığını bildirdi. Bu kəsinti dünya üzrə 70-dən çox ölkədə istifadəçilərin iş fəaliyyətinə mane olmuşdu.

Microsoft kəsinti səbəblərini açıqladı

Minval.info xəbər verir ki, Microsoft-un ABŞ mərkəzli X sosial media platformasındakı Microsoft 365 hesabında yayımlanan açıqlamada, texniki problemlərin həll edildiyi təsdiqlənib. İstifadəçilərin məsələyə dair ən son yenilikləri “MO1550821” nömrəli qeyd vasitəsilə Microsoft 365 İdarəetmə Mərkəzindən əldə edə biləcəyi bildirilib.

12 noyabrda Microsoft 365, Outlook və Teams xidmətlərində istifadəçilərdən giriş problemlərinə dair bildirişlər gəlməyə başlamışdı. Saatlarla davam edən kəsinti, dünya üzrə bir çox şirkət və dövlət qurumunun fəaliyyətinə maneə yaratmışdı.

ƏLAQƏLİ

Bunu da oxu

Microsoft 365 xidmətində qlobal kəsinti: dünya üzrə təsirlər

13.11.2026 - 17:04

Microsoft daha əvvəlki açıqlamalarında, bir neçə bölgədəki infrastrukturun bəzi hissələrində həddindən artıq yük müəyyən edildiyini və bunun bağlantı problemlərinə səbəb ola biləcəyini bildirmişdi. Şirkət, kəsintinin internet trafikinin artması ilə əlaqədar olmadığını, bəzi serverlərin gözlənilmədən sıradan çıxması nəticəsində digər serverlər üzərində yükün artdığını açıqlayıb.

70-dən çox ölkədə istifadəçilər kəsinti zamanı giriş problemləri ilə üzləşdilər. Xüsusilə Outlook və Teams xidmətlərindəki çətinliklər, istifadəçilərin e-poçtlarına çatmasını, təqvimlərini idarə etməsini və onlayn görüşlər təşkil etməsini əngəllədi.