Bakıda mənzil seçimi: Tıxac probleminə süni intellekt həlli

Bakıda mənzil alarkən tıxac problemini həll etmək üçün yeni bir yanaşma təqdim edilib. “Prayk.com” platforması süni intellekt dəstəkli interaktiv xəritəsini istifadəyə verib. Bu yenilik, mənzil seçimi zamanı alıcıların və kirayə axtaranların qarşılaşdığı əsas çətinliklərdən birini – tıxacda vaxt itirmə problemini aradan qaldırmağa yönəlib.

Minval.info xəbər verir ki, “Prayk.com” platforması daşınmaz əmlak axtarışında yeni bir mərhələ açaraq, süni intellekt əsaslı interaktiv qiymət və nəqliyyat sıxlığı analitikasını təqdim edir. İstifadəçilər xəritə üzərindən Bakı və regionlardakı dəqiq elanları izləməklə yanaşı, həmin ərazinin günün müxtəlif saatlarındakı faktiki yol və tıxac vəziyyətini də bir toxunuşla görə bilərlər.

Platformanın süni intellekt analitikası, mənzilin yerləşdiyi lokasiya, infrastruktur əlçatanlığı, qiymət dinamikası və pik saatlardakı yol sıxlığını qarşılaşdıraraq əmlakın “real yaşayış dəyərini” hesablayır. Alıcılar mənzili seçməmişdən öncə təklif olunan qiymətin bazar ortalamasına uyğunluğunu dərhal görə bilirlər və işə və ya təhsil müəssisələrinə gediş-gəliş vaxtını qabaqcadan dəqiqləşdirə bilirlər.

ƏLAQƏLİ

Bunu da oxu

Azərbaycanda hansı sahələrdə maaşlar 2000-dən çoxdur?

03.09.2026 - 21:44

Platformanın nümayəndəsi bildirib ki, “Biz istifadəçilərimizə sadəcə elanlar toplusu deyil, əsaslandırılmış qərar vermə aləti təqdim edirik. İnsanlar illər boyu formalaşdırdıqları büdcə ilə mənzil əldə edir, lakin sonra hər gün yollarda ciddi vaxt itkisi ilə qarşılaşırlar. Prayk.com-un süni intellektlə inteqrasiya olunmuş xəritə və qiymət analitikası bu riski minimuma endirərək seçim prosesini şəffaf və analitik səviyyəyə qaldırır.”