Bakıda kolbasanın içindən dəmir parçası çıxdı - VİDEO

Paytaxt sakininin mağazadan aldığı kolbasanın içərisindən dəmir parçası çıxıb.

Minval.İnfo xəbər verir ki, Panorama.az-a şikayət edən oxucu bildirir ki, bu, həm uşaqlar, həm də böyüklər üçün təhlükədir: «Mağazadan alıb gətirdim, evdə doğrayırdıq. Bir də gördüm ki, bıçaq nəyəsə ilişdi. Ağlıma da gəlməzdi ki, kolbasadan dəmir parçası çıxar. Bu kolbasanı uşaqlar da yeyir. Uşaq kəsib görməsəydi, onda necə olacaqdı? Kolbasa içərisindən dəmir çıxması ən böyük təhlükədir. Bu, dəmirin bir hissəsidir. Ola bilsin, digər kolbasalarda da dəmirin digər hissələri var. Həm də dəmir parçası çox itidir. Bunu görməyib yeyən adamın taleyi necə olardı? İlk dəfədir ki, mağazadan aldığım kolbasanın içindən belə bir şey çıxır».

Şikayətçi məsələ ilə bağlı kolbasa istehsalçısı olan şirkətlə telefon əlaqəsi saxlasa da zənglərinə cavab verən olmayıb. Problemli məsələni həll etməyə çalışan istehlakçı kolbasa istehsalçısının rəsmi «Facebook» səhifəsinə mövcud problemlə bağlı yazdığını da bildirib.