Bakıda güclü yanğın: Binə qatı dumanla örtüldü

Bakının Xəzər rayonunda güclü yanğın baş verib. Hadisə nəticəsində ərazi qatı dumanla örtülüb və bu vəziyyət sakinlər arasında narahatlıq yaradıb.

Minval.info xəbər verir ki, yanğın Binə qəsəbəsində açıq ərazidə başlayıb. Fövqəladə Hallar Nazirliyinin Dövlət Yanğından Mühafizə Xidmətinin əməkdaşları dərhal hadisə yerinə cəlb olunub və yanğın nəzarət altına alınıb. Hazırda alovun tamamilə söndürülməsi istiqamətində işlər davam etdirilir.