Bakıda fərdi evdə yanğın: Alov söndürüldü

Bakının Xəzər rayonunun Binə qəsəbəsində fərdi yaşayış evində yanğın hadisəsi baş verib. Fövqəladə Hallar Nazirliyinin (FHN) “112” qaynar telefon xəttinə daxil olan məlumat əsasında dərhal əraziyə FHN-in Dövlət Yanğından Mühafizə Xidmətinin əməkdaşları cəlb edilib.

Minval.info xəbər verir ki, yanğınsöndürənlərin çevik və peşəkar müdaxiləsi nəticəsində birmərtəbəli evdə baş verən yanğın qısa müddətdə söndürülüb və alovun genişlənməsinə imkan verilməyib.