Bakıda dizel yanacağı ilə işləyən avtobuslardan imtina olunacaq

“Avtobuslara, taksilərə, sürücülərə və daşıyıcılara dair yeni tələblər hazırlanıb. Həmin tələblər hökumətə təqdim olunub”.

Modern.az xəbər verir ki, bunu Bakı Nəqliyyat Agentliyinin (BNA) İdarə Heyətinin sədri Vüsal Kərimli Parlament Jurnalistlər Birliyinin (PJB) agentliyə təşkil etdiyi mediatur zamanı deyib.

V.Kərimli bildirib ki, həmin tələblərdən biri də 2022-ci ildən etibarən paytaxtda fəaliyyət göstərən ictimai nəqliyyat vasitələri sıxılmış qaz və elektriklə işləyən avtomobillər olsun. BNA sədri qeyd edib ki, hər birimiz üçün ətraf mühit vacibdir.