Bakıda ağır qəza - Türkiyə vətəndaşı hadisə yerində öldü - VİDEO

Nizami rayonunda yol-nəqliyyat hadisəsi zamanı bir nəfər ölüb.

“Minval.info”nun ONA-ya istinadla verdiyi xəbərə görə, hadisə Babək prospektində baş verib.

Türkiyə vətəndaşı, 1982-ci il təvəllüdlü Kırmaz Serkan Mehti yolu keçərkən onu “Nissan” markalı avtomobil vurub. Nəticədə piyada hadisə yerində dünyasını dəyişib.

Hadisə yerinə gələn Nizami Rayon Polis İdarəsinin əməkdaşları avtomobilin sürücüsü İbrahimov Emin Əli oğlunu saxlayıblar. Avtotexniki ekspertiza təyin edilib.

Hadisə şahidlərinin verdiyi məlumata görə, piyada yaxınlıqdakı yeraltı piyada keçiddən istifadə etmək əvəzinə yolun piyada üçün müəyyən edilməmiş hissəsindən keçib.

https://www.youtube.com/watch?v=tDfbcbKH7Bc