Bakı və bölgələrdə elektrik fasilələri gözlənilir

Avqustun 24-də Bakı və bir sıra bölgələrdə elektrik enerjisinin verilişində müvəqqəti fasilələr olacaq. Bu tədbirlər elektrik şəbəkələrinin təkmilləşdirilməsi və artan yük tələbatının qarşılanması məqsədilə həyata keçirilir.

Minval.info xəbər verir ki, “Azərişıq” ASC-nin məlumatına görə, Tərtər Elektrik Şəbəkəsinin xidmət ərazisində saat 10:00-dan 14:00-dək ağacların budanması səbəbindən İrəvanlı və Bayandur kəndlərinin bir hissəsində elektrik enerjisi kəsiləcək.

Ağdaş Elektrik Şəbəkəsinə aid olan “Pirəzə” və “Kükəl” hava xətlərində təmir işləri aparılacaq. Bu səbəbdən saat 10:00-dan 17:00-dək Abad, Ağzıbir, Ağcaqovaq, Eymur, Ərəbşəki, Hüşün, Xınaxlı, Kotavan, Kükəl, Qaradeyin, Qaraoğlan və Pirəzə kəndlərinin bəzi ərazilərində elektrik enerjisi verilişində fasilələr olacaq.

Bakı metrosunda qatar intervalı azaldılır!

ƏLAQƏLİ

Bunu da oxu

Bakı metrosunda qatar intervalı azaldılır!

24.08.2026 - 17:21

Bərdə Elektrik Şəbəkəsi ərazisində yerləşən “Şirvanlı” yarımstansiyasında yeni transformatorun quraşdırılması ilə əlaqədar saat 10:00-dan 19:00-dək Böyük Qacar, Dəymədağıldı, Hüseynbəyli, Xanxanımlı, Kətəlparaq, Qullar, Qurdlar, Piyadalar, Soğanverdilər, Şahvəlilər, Şirvanlı və Uğurbəyli kəndlərində elektrik enerjisi kəsiləcək.

Goranboyda isə bir sıra hava xətləri boyunca aparılan ağac budama işləri səbəbindən saat 09:45-dən 14:45-dək Bəşirli, Göynüyən və Hazırəhmədli, saat 10:00-dan 15:00-dək isə Xınalı və Qaramusalı kəndlərinin bir hissəsində elektrik enerjisi verilişi məhdudlaşdırılacaq.

Paytaxtın Yasamal rayonunda da təmir işləri aparılacaq. Saat 10:00-dan 13:00-dək Ələsgər Ələkbərov, Hüseyn Cavid, Eldar Ağayev, Abbas Mirzə Şərifzadə, Mirəli Seyidov və Nazim Hikmət küçələrinin bir hissəsində elektrik enerjisi kəsiləcək.