Bağdad-Bakı reysində 866 qutu qanunsuz tütün ələ keçirildi

Hava Nəqliyyatında Baş Gömrük İdarəsi əməkdaşları tərəfindən həyata keçirilən əməliyyat nəticəsində ölkəyə qanunsuz yolla gətirilən qəlyan tütünləri aşkarlanıb. Bağdad-Bakı aviareysi ilə gələn sərnişinlərin hava limanında dayanan avtomobilə müxtəlif bağlamalar yerləşdirdikləri müəyyən edilib.

Minval.info xəbər verir ki, gömrük nəzarəti zamanı həmin avtomobildə aparılan yoxlamalar nəticəsində üzərində Azərbaycan Respublikasına məxsus məcburi nişanlanma olmayan 866 qutu qəlyan tütünü aşkar edilib. Bu tütünlər xarici ölkələrin hava limanlarında sərnişinlərə paylanaraq, şəxsi istifadə adı altında ölkəyə gətirilib.