Azərbaycanın tanınmış kinooperatoru Amin Novruzov vəfat etdi

Azərbaycanın Əməkdar incəsənət xadimi, tanınmış kinooperator Amin Novruzov 79 yaşında dünyasını dəyişib. Bu barədə Azərbaycan Dövlət Film Fondu məlumat yayıb.

Minval.info xəbər verir ki, Amin Novruzov uzun illər ərzində quruluşçu operator kimi fəaliyyət göstərmiş və bir çox məşhur filmlərin çəkilişlərində iştirak etmişdir. Onun yaradıcılığına “Əhməd haradadır?”, “Bəxt üzüyü”, “Arşınmalçı”, “Birisigün, gecəyarısı…”, “Cəmşid Naxçıvanski”, “Qatır Məmməd”, “Qayınana”, “Şərikli çörək”, “Özgə vaxt”, “Son döyüş”, “Udi xalqı”, “Arxada qalmış gələcək”, “Yalan” və digər filmlər daxildir.

Amin Novruzovun yaradıcılıq irsinə bədii filmlərlə yanaşı, sənədli və qısametrajlı ekran əsərləri də daxildir. Ümumilikdə onun operator kimi 60-dan çox ekran əsərində adı qeyd olunur.