Azərbaycanın demoqrafik gələcəyi təhlükədədir

Azərbaycanda 2026-cı ilin ilk altı ayı ərzində doğuş statistikası açıqlanıb. Bu dövrdə ölkədə 40,798 körpə dünyaya gəlib.

Minval.info xəbər verir ki, iqtisadçı Natiq Cəfərli ölkənin demoqrafik vəziyyətinə dair açıqlamalar verib. Onun sözlərinə görə, Dövlət Sosial Müdafiə Fondu tərəfindən yayılan məlumata əsasən, 2026-cı ilin yanvar-avqust aylarında 56,980 uşağa görə birdəfəlik müavinət təyin edilib və ödənilib.

Cəfərli bildirib ki, bu rəqəmlər 2026-cı ildə doğulan uşaqların sayının 90 mindən aşağı olacağını göstərir. Bu isə Azərbaycanın müstəqillik tarixində ən aşağı göstərici ola bilər. İqtisadçı həmçinin doğulan uşaqlar arasında cins nisbətinə də diqqət çəkib. Yanvar-avqust aylarında 26,675 qız və 30,305 oğlan uşağına görə müavinət ödənilib, bu da oğlan uşaqlarının sayının qızlardan 3,630 nəfər çox olduğunu göstərir.

ƏLAQƏLİ

Bunu da oxu

Bakıda arıçılıq məhsullarının yarmarkası başlayır

04.09.2026 - 17:36

Natiq Cəfərli bu göstəricinin Azərbaycanda selektiv abort probleminin hələ də yüksək səviyyədə olduğunu vurğulayıb. O, demoqrafik vəziyyətin ciddi problem olduğunu və bu məsələnin həll edilməməsi halında gələcəkdə demoqrafik və təqaüd ödənişləri böhranı ilə üzləşə biləcəyimizi qeyd edib.