Azərbaycan taekvondoçuları İsveçrədə gücünü sınayacaq

Azərbaycanın taekvondo üzrə gənclərdən ibarət milli komandası İsveçrənin Sant Qallen şəhərində keçiriləcək ‘Swiss Open’ beynəlxalq turnirində iştirak edəcək. Yarışda ölkəmizi Xıdır Məmmədov (54 kq), Fuad Məhərləmli (63 kq), Cavad Ağayev (74 kq), Taleh Süleymanov (87 kq) və Minayə Əkbərova (46 kq) təmsil edəcəklər.

Minval.info xəbər verir ki, idmançılarımız milli komandanın məşqçiləri Ayxan Tağızadə və Fəridə Əzizovanın rəhbərliyi altında turnirə qatılacaqlar. Qeyd edək ki, turnir sentyabrın 6-da başlayacaq.