Azərbaycan şagirdlərinin riyazi savadlılıq problemi: PİSA nəticələri açıqlandı

Azərbaycanlı şagirdlər riyazi məsələlərin şərhində çətinliklərlə üzləşirlər. Bu barədə PİSA 2025 – Beynəlxalq Şagird Qiymətləndirilməsi Tədqiqatının nəticələrinin təqdimatı zamanı elm və təhsil naziri Emin Əmrullayev məlumat verib.

Minval.info xəbər verir ki, nazir PİSA qiymətləndirmə sistemində istifadə olunan balların qəbul imtahanlarında tətbiq edilən qiymətləndirmə sistemi ilə fərqli olduğunu vurğulayıb. Onun sözlərinə görə, PİSA sistemində 500 bal orta səviyyəli nəticə hesab olunur, 400 bal isə bu göstəricidən aşağı qiymətləndirilir.

Emin Əmrullayev bildirib ki, Azərbaycanın riyazi savadlılıq üzrə PİSA nəticələrindəki mövqeyi 49-cudur. O, həmçinin qeyd edib ki, Bakı şəhərinin riyazi savadlılıq üzrə nəticələri inkişaf etmiş şəhərlərin göstəricilərindən daha yüksək olub. Bu nailiyyətin əldə olunmasında riyaziyyat fənninə son vaxtlar göstərilən diqqətin və riyaziyyat müəllimlərinin xüsusi rolunun olduğunu bildirib.