Azərbaycan ordusunda isveç stolu və tətil müzakirəsi

Azərbaycan ordusunda isveç stolu və həftəsonu tətili kimi yeniliklərin tətbiqi məsələsi gündəmə gəlib. Bu mövzu qonşu Gürcüstanın ordu sistemindəki dəyişikliklər fonunda müzakirə olunur.

Minval.info xəbər verir ki, Gürcüstanda əsgərlər həftənin beş günü xidmət edir və şənbə-bazar günləri evlərinə gedə bilirlər. Bundan əlavə, əsgərlərə 10 günlük məzuniyyət də verilir. Yeməklər isə isveç stolu şəklində təqdim olunur.

Hərbi ekspert İbrahim Rüstəmli Azərbaycan ordusunda bu sistemin tətbiqinə qarşı çıxır. Onun fikrincə, əsgərlərin həftəsonu evə buraxılması xaosa səbəb ola bilər və bu, əsgərlərin hərəkətinə görə məsuliyyət məsələsini də gündəmə gətirir. Ekspert, həmçinin, əsgərlərin yemək rasionunun dəyişdirilməsini də məqsədəuyğun hesab etmir.