Azad edilmiş ərazilər minalardan təmizlənir

Azad olunan ərazilərdə avqustun 17-dən 23-dək həyata keçirilən minatəmizləmə əməliyyatları nəticəsində 1829,3 hektar ərazi minalardan təmizlənib. Bu müddət ərzində 41 tank əleyhinə mina, 98 piyada əleyhinə mina və 522 digər partlayıcı hərbi sursat aşkarlanaraq zərərsizləşdirilib.

Minval.info xəbər verir ki, bu barədə Azərbaycan Minatəmizləmə Agentliyinin (ANAMA) həftəlik hesabatında məlumat verilib. Əməliyyatlar ANAMA, Müdafiə Nazirliyi, Fövqəladə Hallar Nazirliyi və digər yerli təşkilatlar tərəfindən Tərtər, Ağdərə, Kəlbəcər, Ağdam, Xocalı, Xankəndi, Şuşa, Xocavənd, Laçın, Füzuli, Cəbrayıl, Qubadlı, Zəngilan və Qazax rayonunun işğaldan azad edilmiş kəndlərində həyata keçirilib.