Azərbaycanlı gəncin oksforda gedən yolu: Necə yüksək zirvələr fəth edildi?

Azərbaycanlı gənc İnci Ağasiyeva, İngiltərənin prestijli Oksford Universitetində hüquq təhsili almaq üçün qəbul olunub. Onun yüksək akademik göstəriciləri bu uğuru təmin edib.

Minval.info xəbər verir ki, İnci ilk təhsilini Saint John’s School-da alıb və burada yüksək akademik nailiyyətləri ilə fərqlənib. Daha sonra, Saint Anne’s Catholic School-da 7-11-ci siniflərdə təhsil alaraq bütün fənlərdən A və A* qiymətləri ilə məzun olub.

Məktəbi bitirdikdən sonra, İnci Barton Peveril College-da təhsilini davam etdirmək qərarına gəlib. Burada təhsil aldığı müddətdə Oksford və Kembric universitetlərinin hüquq proqramları üzrə müxtəlif hazırlıq tədbirlərində iştirak edib.

ƏLAQƏLİ

Bunu da oxu

Xocavəndin iki kəndində qazlaşdırma işlərinə start verilib

19.10.2026 - 15:34

Təhsilinin ikinci ilində keçirilən sınaq imtahanlarında da yüksək nəticələr əldə edən İnci, sentyabr ayında keçirilən xüsusi hüquq imtahanında da uğur qazanıb. Onun bu nailiyyətləri, İngiltərənin beş nüfuzlu universitetindən hüquq üzrə qəbul təklifi almasına səbəb olub.

İnci, əsas seçimlərini Oksford və Varvik universitetləri üzərində cəmləşdirib. Dövlət qəbul imtahanlarında yüksək nəticələr göstərərək, Oksford Universitetinin qəbul tələblərinə uyğun akademik göstəricilər əldə edib və nəticədə Oksford Universitetində hüquq ixtisasına qəbul olunub.