Azərbaycana “halal turizm” gəlir

Hazırda Azərbaycan mehmanxanaları üçün halal turizm standartının tətbiqi məsələsinə baxılır.

“Çin və Hindistan turistləri Azərbaycanla çox maraqlanırlar”.

Minval.İnfo xəbər verir ki, bunu Mədəniyyət və Turizm Nazirliyinin Turizm şöbəsinin müdiri Aydın İsmiyev deyib. Onun sözlərinə görə, bu ölkələrdən Azərbaycana gələn turistlərin sayı getdikcə artır: “Həmin ölkələrdən cəlb ediləcək turistlərin sayının artırılması üçün müxtəlif təbliğat işləri aparılır, Azərbaycan nümayəndələri beynəlxalq sərgi və konfranslarda iştirak edirlər”.

A.İsmiyev bildirib ki, hazırda Azərbaycan mehmanxanaları üçün halal turizm standartının tətbiqi məsələsinə baxılır: “Azərbaycan hotellərində halal turizm standartının tətbiqinə dair sənəd layihəsi baxılması üçün hökumətə təqdim olunub”.