Azərbaycan Fransaya etiraz notası verib
Azərbaycanın Fransadakı səfirliyi bu ölkənin Xarici İşlər Nazirliyinə etiraz notası göndərib.
Trend-in məlumatına görə, bunu jurnalistlərə Azərbaycan Xarici İşlər Nazirliyinin (XİN) mətbuat xidmətinin rəhbəri vəzifələrini icra edən Leyla Abdullayeva özünü Azərbaycanın işğal olunmuş ərazilərində yaradılmış qondarma rejimin rəhbəri kimi təqdim edən Bako Saakyanın Fransaya səfərini şərh edərkən deyib.
O qeyd edib ki, Azərbaycan XİN bununla bağlı konkret və qəti bəyanat yayıb.
L.Abdullayeva bildirib ki, Azərbaycan BMT Təhlükəsizlik Şurasının daimi üzvü və ATƏT-in Minsk qrupunun həmsədr ölkəsi olan Fransanın qanunsuz rejimin “nümayəndəsi”nin səfərinə və onun müəyyən görüşlər keçirməsinə şərait yaratmasını işğalçı rejimin təşviqinə xidmət edən addım kimi qiymətləndirir:
“Biz hesab edirik ki, Fransanın bu addımı onun obyektivliyini və tərəfsizliyini şübhə altına salır. Bununla əlaqədar olaraq Azərbaycanın Fransadakı səfirliyi bu ölkənin Xarici İşlər Nazirliyinə etiraz notası təqdim edib”.
Ən son xəbərləri bizim sosial media səhifələrimizdə izləyin!
Ölkədən və dünyadan ən sürətli canlı yayımları qaçırmamaq üçün bizə abunə olun:
OXŞAR XƏBƏRLƏR
İlham Əliyev Poroşenkonu təbrik etdi
Angela Merkel: "Almaniya Dağlıq Qarabağ münaqişəsinə göz yuma bilməz"
Fuad Muradov yeni sədr kimi Dövlət Komitəsində dəyişikliklərə başladı
Sabiq başçıdan şok etiraf: Ziya Bünyadovu kim öldürtdürüb?
