Azərbaycan estradasının gizli bəstəkarı: Nazirin mahnıları dillər əzbəri olur

Məşhur mahnıların arxasında nazir imzasının olduğunu bilirdinizmi? “Səndən nigaranam”, “Xatirədir”, “Nə yaxşı, sən varsan” kimi sevilən mahnıların musiqisinin müəllifi Azərbaycanın fövqəladə hallar naziri Kəmaləddin Heydərovdur.

Minval.info xəbər verir ki, Kəmaləddin Heydərov musiqi sahəsində “Kamal” təxəllüsü ilə tanınır və illərdir Azərbaycan estradasında sevilən bir çox mahnının bəstəkarıdır. Onun əsərləri arasında “Səndən nigaranam”, “Sən elə bir zirvəsən”, “Nə yaxşı, sən varsan”, “Xatirədir”, “Əlacım”, “İlahi”, “Sənə güvəndiyim dağlar”, “Bağışlaram səni”, “Mənim 17 yaşım…”, “Sevəcəyəm”, “Gecdi daha”, “Gəlsən də, gəlməsən də…”, “Ayrılığa dözərəm mən” və digər məşhur mahnılar yer alır.

Bu mahnılar Flora Kərimova, Alim Qasımov, İlhamə Quliyeva, Aygün Kazımova, Ağadadaş Ağayev, Zülfiyyə Xanbabayeva, İlqar Muradov, Aygün Bəylər, Röya Ayxan və digər tanınmış ifaçılar tərəfindən ifa edilib. Maraqlıdır ki, “Kamal”ın bəstələdiyi mahnıların sözlərinin müəllifi şair Baba Vəziroğludur. Şairin sözlərinə görə, Kəmaləddin Heydərovla yaradıcılıq əməkdaşlığı 40 ildən artıqdır davam edir və bəstələrin ifaçılarını da nazir özü seçir.

ƏLAQƏLİ

Bunu da oxu

Taksi sürücülərinin profilləri niyə bloklanır?

04.09.2026 - 21:55

2009-cu ildə “Kamal” imzası ilə bəstələnmiş əsərlərdən ibarət “Sənə güvəndiyim dağlar” adlı dörd diskdən ibarət musiqi albomu işıq üzü görüb. Kəmaləddin Heydərov müsahibələrinin birində bildirib ki, musiqi onun hobbisidir və uzun illərdir ki, mahnılarının müəllifi kimi “Kamal” təxəllüsünü istifadə edir.