Azərbayanda bu qız bələdiyyə seçkilərində qalib gəldi — FOTO

İctimai fəal Vəfa Nağı bələdiyyə üzvü seçilib.

“Minval.info” xəbər verir ki, V. Nağı dekabrın 23-də keçirilən bələdiyyə seçkilərində səsvermədə 113 səs toplayaraq 61 saylı Neftçala seçki dairəsinin Xol Qaraqaşlı bələdiyyəsinin üzvlərindən biri olub.

Həmin bələdiyyə üzrə ən çox səsi Əlibala Səlimov (304), ən az səsi isə Elnur Səfərov (45) toplayıb.

Qeyd edək ki, Vəfa Nağı Neftçalanın Xol Qaraqaşlı kəndində doğulub. Lakin illər əvvəl təhsil, daha sonra da iş səbəbindən kənddən ayrılıb. Geri qayıdanda kənddə gördüyü mənzərə onda qadınların həm pul qazana, həm sosiallaşa biləcəyi iş yeri açmaq haqqında ideya yaradıb. Yazdığı layihə müsabiqədə birinci olub və 7 ay müddətində davam edəcək bu layihəyə əsasən o, doğulduğu kənddə “mələfə” adlı kiçik tikiş sexi açıb. Hazırda 6 qadın həmin tikiş sexində çalışır. Fəaliyyətə başladığı ilk günlərdən kənddə yaşayan qadınların əksəriyyəti tərəfindən maraqla qarşılanıb. Qadınlar əsasən də iş üçün müraciət ediblər.