Ayxan Mirzəzadə Avropa çempionu oldu!

Azərbaycanın gənc cüdoçusu Ayxan Mirzəzadə Monteneqronun paytaxtı Podqoritsada keçirilən gənclər arasında Avropa çempionatında qızıl medal qazanaraq ölkəmizi sevindirdi. 60 kq çəki dərəcəsində mübarizə aparan Ayxan, finalda Fransa təmsilçisi Lusien Tiksyeyə qalib gələrək fəxri kürsünün ən yüksək pilləsinə yüksəldi.

Minval.info xəbər verir ki, Azərbaycan bu mötəbər yarışda 10 çəki dərəcəsində 14 cüdoçu ilə təmsil olunur. Bu gün digər idmançılarımızdan Məhəmməd Musayev (66 kq) qızıl, Xədicə Qədəşova (57 kq) isə bürünc medal uğrunda mübarizə aparacaq.