Ayna şəhərlərarası marşrutların qaliblərini elan etdi: Sərnişinlər üçün yeni dövr başlayır!

Azərbaycan Yerüstü Nəqliyyat Agentliyi (AYNA), Bakı-Sınıq Körpü, Bakı-Şəki, Bakı-Qusar, Bakı-Xudat, Bərdə-Göyçay, Samux-Gəncə şəhərlərarası və Ziyadlı kəndi (Samux) – Gəncə (dəmiryol vağzalı) istiqamətindəki avtobus marşrutları üzrə keçirilən müsabiqələrin qaliblərini elan edib.

Minval.info xəbər verir ki, bu marşrutlar üzrə “Kaspian Ekspress” və “Xan Sarayı” MMC-lər Bakı-Sınıq Körpü, “Xan Sarayı” MMC Bakı-Şəki, “Aliosman Ağasoy” MMC Bakı-Qusar, “Uğurlu Yol” MMC Bakı-Xudat, Bayramov Şəhriyar Hidayət oğlu Bərdə-Göyçay, “Kamil Avtonəqliyyat” MMC isə Samux-Gəncə və Ziyadlı kəndi-Gəncə marşrutları üzrə qalib gəliblər.

Müsabiqə “Avtomobil nəqliyyatı haqqında” Qanuna və Nazirlər Kabinetinin 2009-cu il 3 aprel tarixli qərarına əsasən təşkil olunub. Bu prosesin məqsədi sərnişindaşıma xidmətlərinin keyfiyyətini, təhlükəsizliyini və rahatlığını artırmaq, eyni zamanda marşrutların təhkim edilməsində şəffaflığı təmin etməkdir.